Demoskopia

Demoskopia herritarren iritziak ezagutzeko inkesten eraketa eta horien azterketa da. 1930eko hamarkadan Ameriketako Estatu Batuetan sortutako diziplina da, gero Europara zabaldu zena. Demoskopiako ikerketak eskatzen dituzten erakundeen artean gobernuak, enpresak eta hedabideak daude, eta soziologia, ekonomia eta merkatu-ikerketak egiteko ere erabiltzen da. Inkesta demoskopikoen emaitzak zalantzan jarri izan dira, ordea, inkesten manipulazioagatik eta inkestetan izaten diren alborapen sistematikoengatik.