Tales Miletokoa

Tales Miletokoa (Mileto, ca. K.a. 624 - ca. K.a. 545) antzinako greziar filosofoa da, lehena arkhe edo munduaren printzipioaz hausnartu zuena. Hain zuzen, ura hartzen zuen guztiaren oinarritzat, eta Lurra uraren gainean flotatzen zuen disko moduan irudikatu zuen. Munduko Zazpi Jakintsuetako bat da, eta hainbat jakintza-arlo landu zituen, hala nola astronomia, eta matematika; izan ere, eklipsea aurresan zuen, eta Tales-en teorema geometrikoa hari zor zaio. Filosofo presokratikoen taldean sartzen da, eta haien artean bereziki naturaren filosofia aztertu zuen Miletoko eskolako sortzailea. Bere jarraitzaileak Anaximandro, Talesen ikaslea, eta Anaximenes, Anaximandroren ikaslea, izan ziren.