Antropikoa eta antropogenikoa

Antropiko eta antropogeniko izenondoek (antzinako grezierazko ἀνθρωπικός, anthrōpikós, hitzetik; euskaraz 'giza') gizakiak sortu edo eragindakoari egiten diote erreferentzia. Adibidez, klima aldaketa antropikoa eta lurzoruen higadura antropikoa edo antropogenikoa, gizakiak eragindako klima aldaketak eta higadura lirateke, hurrenez hurren. Hala ere, antropiko izenondoa orokorrean gizakiari dagokiona izendatzeko ere erabiltzen da, adibidez, printzipio antropikoa unibertsoaren diseinua gizakiaren existentziarekin lotzen duen printzipioa da.