Apokrifoak

Apokrifoak (antzinako grezierako ἀπόκρυφος , apókryphos, « ezkutua ») egile edo jatorri ezezagun edo zalantzazkoa duten lan idatziak dira. Artelanei ere aplikatzen zaie. Faltsuak diren, akatsak dituzten eta kanon bati jarraitzen ez dioten testuak eta lanak, eta horrexegatik batzuetan baztertuta edo ezkutuan eduki direnak, izendatzeko erabiltzen den izenondoa ere bada. Maiz, Bibliako apokrifoak aipatzen dira, argitaratutako Biblia batetik kanpo uzten diren testu eta liburukiak, kanonetik kanpo uzten direnak alegia, antzina edo beste kanon batzuetan testu haiek onartzen baziren ere.