Arabeskoak

Arabeskoa horma edo beste azalera baten gainean landu edo marraztutako motibo geometriko, lore, hosto eta filigranaz apainduriko lerroak dira, modu bihurrian nahasturik eta maiz patroi bati jarraiki. Arkitektura musulmaneko ohiko apaindura izan arren, eta hortik arabesko hitza, arte greko-erromatarretik eratorritako artelan mota da. Mendebaldeko artean Berpizkundean berreskuraturiko apaindura izan zen.