Askatasun-graduak (estatistika)

Estatistikan, askatasun-graduak edo askatasun-gradu kopurua probabilitate banaketa batzuen parametro bati ematen zaion izena da, hala nola khi-karratu banaketan ( $n$ izenarekin), Student-en t banaketan ( $n$ izenarekin) eta Snedecor-en F banaketan (kasu honetan bi askatasun-gradu kopuru daude, zenbakitzailearena eta izendatzailearena hurrenik hurren).

Jatorrian ordea, askatasun-gradu kopurua elkarrekiko independenteak diren aldagai edo datu kopuruarekin dago loturik. Adibidez, $x_i$ datu multzo baterako, jakina da $\sum(x_i-\overline{x})=0$ bete behar dela; beraz, batezbesteko aritmetiko bat emanda, edonolako $n-1$ asma ditzakegu, askatasunez, baina $n$ -garren datua emanda etorriko zaigu, $\sum(x_i-\overline{x})=0$ bete behar delako; orduan batezbesteko aritmetiko sinpleak $n-1$ askatasun-gradu dituela esaten da.

Loturiko artikuluak