T(X) zenbatesle edo estimatzaile bat askia dela esaten da, zenbateslea kalkulatu den jatorrizko 
laginak zenbatetsi nahi den parametroari buruzko informazio gehigarririk ematen ez duenean, zenbateslearen balioak emandakoaren aldean. Zenbatesle bat askia bada, bertatik gehitutako zenbatesle bat ere askia da; helburua laginaren informazioa ahalik eta modu laburrenean jasotzea denez, zenbatesle aski minimalak bilatzen dira. Formalki, T(X) askia da, baldin eta X laginaren probabilitate-banakuntza, T(X) balioen baldintzapean, parametroaren mendean ez badago. Beste alde batetik, T(X) askia bada, egiantz-funtzioa zehazteko informazio guztia jasotzen du.