Aurresana geroko gertaera edo bilakaera bati buruz arrazionalki egiten den proposizioa da. Aurresanak egiteko teknika bi sailetan banatzen dira bereziki: teknika kuantitatiboak, gehienetan estatistikan oinarrituak, eta teknika kualitatiboak, hala nola adituen panelak (ikus, Delphi metodoa), non adituen iritzi subjektiboak jaso eta ebaluatzen diren etorkizuneko gertaera bati buruz. Edonola ere, aurresanak aurreikuspenetatik bereizi behar dira: aurresanetan etorkizunean izatekoa den gertaera bat besterik gabe aurreratzen den bitartean; aurreikuspenetan, gertaerari buruzko informazioa aurreratu eta gertaera horretan eragiteko neurriak hartzen dira (adibidez, biharko tenperatura aurresan egiten da, baina datorren urteko salmentak aurreikusi egiten dira, salmenta horietan eragin dezakegunez).
Beste hizkuntzetan: ingelesez, prediction; gaztelaniaz, predicción.
Ikus, gainera