Bestalak

Antzinako Erroman, bestalak Besta jainkosaren tenpluko emakume apaizak ziren, birjinak, tenpluko su sakratua eta beste errituak zaintzea helburu zutenak. Pontifice Maximoak aukeratzen zituen 30 urterako, haurrak zirelarik eta hasiera batean familia patrizioetatik, eta heziketa zorrotza jarraitzen zuten. Hainbat pribilejio zituzten: leku berezia zuten ospakizunetan, bizkartzain bereziak zituzten, eta presoak eta esklabuak askatzeko ahalmena zuten, ukitze soilarekin. Zelibatoa hausten zuen bestala bizirik erretzera kondenaturik zegoen.