Kontabilitatean, birjarpen-kostua aktiboko ondasun bat ordezteko ordaindu beharreko eskuratze-kostua da, aktibo hori bere erabilgarritasuna agortu duenean. Bereziki, amortizazioa kalkulatzeko irizpideak zehazterakoan erabiltzen da, amortizazioa kostu historikoaren gainean zein birjarpen-kostuaren gainean egin daitekeelako. 2007ko Espainiako Kontabilitate Planaren arabera, kostu historikoa izan behar da horretarako irizpidea, baina kostuen kontabilitatean birjarpen-kostua har daiteke irizpidetzat, kontabilitate hori legez arautua ez dagoenez.
Beste hizkuntzetan: ingelesez, replacement cost; gazteleraz, coste de reposición.