Bisibilizazioa

Soziologian, bisibilizazioa ordurarte azaleratu gabeko problematika sozial bat azalera ekarri eta gizarteratzeko egiten den prozesua da, problematika horri heldu nahian, hala nola injustizien biktima ezkutuak, gizatalde batzuek pairatzen duten diskriminazioa eta bestelako desberdintasun sozialak orokorrean. Terminoa gizatalde edo kolektibo osoei ere aplikatzen zaie, kolektibo horien lana zein lorpenak plazaratu eta publikoki balioetsi aldera, haiek behar bezala aintzat hartzen ez direnean.

Beste hizkuntzetan: ingelesez, visibilization; gaztelaniaz, visibilización.