Deifikazioa

Deifikazioa edo dibinizazioa zerbait sakratutzat hartu edo izaera jainkotiarra ematea da. Animismoan, adibidez, ohikoa da naturako elementuak (zuhaitzak, animaliak, arkaitzak, ...) sakratutzat hartzea, haiei naturaz gaindiko izpiritu edo arima atxikiz. Antzinako Grezian eta Erroman apoteosi deitzen zitzaion heroiak, erregeak eta beste gizakiak jainkotzat hartzea. Kristau teologian berriz, dibinizazioa gizakiak bizitzan Jainkoarekiko batasuna lortzea da, Jainkoaren dohaiaz eta bertuteak praktikatuz, bekatua guztiz ezabatu eta perfekzioa lortze aldera.