Dentsitate-funtzioa

Bi dentsitate funtzio: biek 6 balioaren inguruan biltzen dute probabilitate gehien, baino lerro gorriz azaltzen den dentsitate-funtzioan probabilitate handiagoa dago 6 inguruko balio bat suertatzeko, lerro urdinekoan baino, 6 inguruan azpiko azalera handiagoa uzten duelako.

Probabilitate-teorian, dentsitate-funtzioa probabilitate-banaketa jarraitu bat definitzeko modu ohikoena da. Zehatzago, tarte jakin baterako, dentsitate-funtzioak bere azpitik eta x=0 ardatzaren bitartean geratzen den azaleraren bitartez  adierazten du tarte horretan zorizko aldagai jarraituak balio bat hartzeko probabilitatea. Horrela, dentsitate-funtzio batetik abiaturik, aldagaia tarte batean izateko probabilitatea tarte horretan mugatutako integralaren bitartez kalkulatzen da.

Beste hizkuntzetan: ingelesez, density function; gaztelaniaz, función de densidad.