Displizentzia

Displizentzia (latinezko displicens hitzetik) axolagaberiaz, gogogabekeriaz eta indiferentziaz jokatzea eta horretarako joera da. Displizentziaz jokatzen dutenek displizenteak direla ere esaten da. Hainbat jokabide biltzen dituen jarrera da, hala nola prokastinazioa, nagia, arduragabekeria, apatia eta enpatia eza. Beste pertsonekiko jarrerari buruz, begirune eza eta zakarkeria ere adierazten ditu.

Adibideak: Baina semearen jarrera displizenteak, harrokeriak –berak hartzen zuenaren antzeko harrokeria, berdina ez bada, aita hitza ahoan zuela utzi eta mahaitik altxatzen zenean - orojakile planta ergelak sutu egin ohi du. (Martutene, Ramon Saizarbitoria).