Ekumenismoa (antzinako grezierakzo oikoumenē “bizitzeko lurra”, eta oikos "etxea" hitzetatik) kristau elizen batasunaren eta lankidetzaren aldeko jarrera eta mugimendua da, eliza horien aniztasuna ezetsi gabe. XX. mendearen hasieratik garatutako mugimendua izan da, hasira batean eliza protestanteen eskutik bereziki. Eliza Katolikotik, ordea, Pio XI.a mugimenduaren aurka azaldu zen entziklika batean eta orokorrean jarrera esezeptikoa nagusitu zen, harik eta 1964an Juan XXIII.ak Unitatis redintegratio ekumenismoaren aldeko dekretua plazaratu zuen arte, Vatikano II. Kontzilioak zabaldu zuen Eliza Katolikoaren mundurako irekierari jarraiki.