Errore marjina

Adiera arruntean, errore-marjina egoera bat ziurtatzen jarraitu aldera onartzen den adalaketa, zirkunstantzia edo gorabehera da. Adibidez, enpresa batean 1000 unitateko eskaera biharko betetzeko estu-estu badabiltza, eskaera betetzeko errore marjin txikia dela esango dute. Kalkulu zehazgabe bat zuzena izateko onartzen den errorea ere bada. Estatistikan, errore-marjina edo estimazio-errorea konfiantza tarte bateko zabaleraren erdia da; adibidez, bozketa batean baiezkoa emango duten proportzioari buruzko tartea %10-%12 bada, errore marjina %1 da. Ohikoena aurretik konfiantza tarte baterako errore marjin jakina jartzea da, eta horren arabera lagin tamaina finkatzea; errore marjin zenbat eta handiagoa onartu, orduan eta lagin tamaina handiagoa izango da.