Eskala-ekonomiak

Ekonomian, eskala-ekonomiak enpresa batek tamaina eta ekoizpena handitzean eskuratzen dituen abantailak dira, unitateko batezbesteko kostua murriztea dakartenak. Abantailak horiek kostu finkoak ekoizpen.unitate gehiagoren artean banatzearekin eta eskala-errendimendu gorakorrekin daude loturik. Kostu finkoei buruz, adibidez, kamioi handia edukita, materiala garraiatzearen tonako kostua txikiagoa izango da, kamiioi betea (ekoizpen handiarekin) kamioia erdi beteta baino. Tamaina handitzean, teknologia-aukera handiagoak eta lehengaiak eta osagaiak erostean bolumen handiagatik eskuratzen diren beherapenak ere izaten dira, unitateko kostua murriztu eta ondorioz eskala-ekonomiak ekartzen dituztenak.

Alderantziz ere gerta daiteke, tamaina eta ekoizpena handitzeak unitateko kostuak gehitzea ekar dezake eta eskala-desekonomiak direlakoak sorrarazi, bereziki antolakuntzan sor daitezkeen arazoengatik (komunikazioa eza, burkokrazia, ...).

Beste hizkuntzetan: ingelesez, economies of scale; gazteleraz, economías de escala.

Ikus, gainera