Neogotikoa (arkitektura)

Estilo neogotikoa XIX. mendean, 1830eko hamarkadatik, garatutako estilo artistikoa izan zen, estilo gotikoan inspiratzen zena, eta bereziki arkitekturan izan zuena. Erromantizismoaren baitan sortua, espiritualtasunerako itzulera aldarrikatzen duena gotikoarekiko atxikimendu horrekin. Bereziki eraikuntza erlijiosoetan izan zuen eragina, baina arkitektura zibilean ere izan zuen islada. Europan eta Ipar Amerikan garatu zen gehienbat. Euskal Herrian arkitektura neogotikoaren erakusgarri nabarmenetakoa Donostiako Artzain Onaren Katedrala da (ikus irudia).