Fideikomisoa

Fideikomisoa (latinezko fideicommissum hitzetik) pertsona batek bere ondarearen kudeaketa hirugarren pertsona baten esku uzten duen kontratua da. Kudeaketa horrek ematen dituen ahalmen zehatzak zein epea fideikomiso-kontratuan ezartzen dira. Fideikomisoaren epea bukatzen denean, edo fideikomisoa bukatzeko baldintza betetakoan, ondarea fideikomisoa egin zuen pertsonari edo hirugarren pertsona bati itzultzen zaio.

Ohikoa da testamentuetan, adibidez herentzia bat jaso behar duen pertsona adin txikikoa denean, testamentuan fideikomisoa ezar daiteke adin txikikoaren ondarea pertsona heldu batek modu egokian horren administrazioa egin dezan, adin nagusikoa izan arte.