Finantzazioa edo finantzaketa enpresa, inbertsio edo proiektu bat abiarazi eta garatzeko behar diren baliabideak (dirua, bereziki) jarri edo lortzea da. Finantzazioa ordea ez da zeregin isolatua, eta enpresako finantza-sailaren barruan dauden beste zeregin batzuekin batera garatu eta koordinatu behar da: finantzazioaren aurretik enpresak bere proiektuak garatzeko zenbat diru behar duen eta noiz eskuratu behar duen erabaki behar du, finantza-plangintza garatuz, aurrekontu baten bitartez adibidez; finantzazioa bigarren pausoa litzateke, finantzatzeko behar duen diru hori eskuratzea; azkenik, enpresak eskuraturiko diru edo finantza-baliabide horien kontrola eta administrazio egokiak beharko lituzke. Hiru pauso, funtzio edo zeregin horien multzoak enpresaren finantza-funtzioa osatzen du. Finantzazioa beraz, baliabideak eskuratzea alegia, finantza-funtzioaren atal bat baino ez da, aurretik planifikazioa, eta ondoren kontrola ere behar dituena.
Beste hizkuntzetan: ingelesez, financing.
Ikus, gainera