Garraio-gutuna

Garraio-gutuna edo ontziratze-agiria garraiolari baten eta kargaren igorlearen artean garraio-kontratu bat dagoela ziurtatzen duen agiria da. Garraiolariaren, igorlearen, hartzailearen datuak eta kargaren xehetasunei buruzko informazio jasotzen ditu. Kontratua ziurtatzeaz gainera, karga modu egokian jaso dela adierazi eta kargaren jabea zein den ziurtatu egiten du. Bidalketa- eta jasotze-data eta tokia ere jasotzen ditu. Ez da derrigorrezko agiria hainbat egoeretan, hala nola mudantza eta pakete arinen kasuan, baina bai beste kasuetan, hala nola porduktu arriskutsuen garraioan.

Beste hizkuntzetan: ingelesez, bill of lading, waybill; gaztelaniaz, carta de porte.