Generatibismoa (gramatika sortzailea, biohizkuntzalaritza)

Generatibismoa, gramatika sortzailea edo biohizkuntzalaritza jaiotzetik hizkuntza sortu eta ulertzeko berezko ahalmena dugula baieztatzen duen teoria da. Horrela, hizkuntza naturala automatikoki, kutxa beltz batean bezala, ikaskuntza handirik gabe eta erregela gutxi batzurekin, garatuko litzateke. Horrela, generatibismo innatismoaren aldeko teorien artean litzateke. Teoria horren oinarriak Noam Chomsky estatubatuar hizkuntzalariak plazaratu zituen Syntactic Structures liburuan, ordurarte hizkuntzalaritza teorian nagusitu ziren konduktismoaren eta estrukturalismoaren kontrakarrean.