Gizakia gizakiarentzat otso (Homo homini lupus)

Homo homini lupus (jatorrizko bertsioan, latinez) edo gizakia gizakiarentzat otso gizakia berez, hau da dagokion naturazko egoeran, gizakiaren etsaia dela, beste gizakiekin etengabeko borrokan diharduela edo gizakia berez gaiztoa dela adierazteko erabiltzen den esamoldea da. Plauto erromatar antzerkigileak adierazi zuen lehen aldiz Asinaria lan dramatikoan, baian Thomas Hobbes filosofo ingelesak zabaldu zuen XVII. mendean 1642ko De Cive lanean , gizakiak gobernatzeko estatu baten beharra aldarrikatzeko, gizakiak gizakien aurka duen berezko joera menderatu eta gizartean bakea lortzeko, estatua gizakien arteko kontratu edo ituntzat hartuz. Aurkako ikuspegia jean-Jacques Rousseau filosofo ilustratuarena izen zen, gizakia berez ona dela eta gizarteak usteltzen duela aldezten zuena.

 


Artikulu hau honela aipatu: Sarasola, Josemari, "Gizakia gizakiarentzat otso (Homo homini lupus)"; Gizapedian, iraila 7, 2018, https://gizapedia.hirusta.io/gizakia-gizakiarentzat-otso-homo-homini-lupus/.