Hazkunde organikoa eta hazkunde inorganikoa enpresak ekoizpena eta salmentak gehitu eta merkatuak zabaltzeko dituen bi moduak dira. Hazkundea organikoa dela esaten da enpresak hazteko inbertsioak enpresan bertan egiten dituenean, berak sortu eta ekarritako baliabideekin, lantegi eta ekipamendu berriak eraikiz, langile gehiago kontratatuz eta salmentak handitzeko ahaleginak eginez. Hazkundea inorganikoa dela esaten da enpresak beste enpresa batzuekin elkartuz egiten denean, hala nola fusio eta absortzio edo xurgatzeen bitartez.