Hizkuntza naturalak eta hizkuntza formalak

Hizkuntza naturalak gizakiok gure arteko komunikazioan darabilzkigun hizkuntzak dira,  hizkuntza horien erabilera sozialak berak eratzen joan direnak historian zehar, azkenean gramatika eta semantika jakin eta zehatzak ezarri edo adostu arte. Naturalak dira berez sortu direlako, asmo edo plangintza jakinik gabe. Hizkuntza formalak berriz, teoria bati jarraiki eraturiko hizkuntza artifizialak dira, hala nola matematika, logika eta lengoaia informatikoak, zeinu edo sinbolo (token) jakin eta zehatzekin, hizkuntza naturaletan testuinguruaren arabera gertatzen diren anbiguotasunik gabeak, eta beraien arteko erlazio zehatzetan, sintaxi batean alegia, oinarritutakoak. Semantika ere izan dezakete, zeinuei esanahia emango diena, baina ez da ezinbestekoa hizkuntza formala eratzeko.