Ilusio monetarioa

Ilusio monetarioa diru gehiago izateak automatikoki aberatsagoa izateak dakarrela pentsarazten duen irudipen faltsua da. Adibidez, pentsiodun bati %5eko igoera egin badiote pentsioan, 1000 eurotik 1050 eurotara, baina 1000 euro kobratu ziren bitartean, inflazioa (prezioen igoera portzentajea) %10 izan bada, 1050 eurorekin ere pentsioduna pobreagoa da. Ilusio monetarioan ez jausteko, beharrezkoa da kopuru nominaletatik kopuru errealetara igarotzea, deflaktazio izeneko eragiketaren bitartez.


Artikulu hau honela aipatu: Sarasola, Josemari, "Ilusio monetarioa"; Gizapedian, iraila 2, 2018, https://gizapedia.hirusta.io/ilusio-monetarioa/.