Isurialde hidrografikoa

Iberiar Penintsulako Mediterraneoko isurialdea, berdez. Iparraldean, Ebro ibaiko arroak hartzen du isurialdearen zati handiena. Hegoaldean, isurialdeko ibaiak laburragoak dira, Mendikate Penibetikoko banalerroak mugatua.

Isurialde hidrografikoa itsaso berera urak isurtzen dituzten arro hidrografikoen multzoa da. Arro hidrofrafikoak eta isurialde hidrografikoak banatzen dituzten lerro geografikoak uren muga-lerroak edo banalerroak dira. Kantauriko isurialdea adibidez, urak Kantauri Itsasora isurtzen dituzten ibaietako arroen multzoa da, Bidasoako arrotik hasita Ortegal lurmuturreraino, Galizian, eta Hegoaldetik Kantauriar mendikatea eta Bizkaia, Gipuzkoa eta Bortzirietako mendiek mugatua hegoaldetik (Gorbeia, Aitzgorri, Aralar,...).