Kalifikazio-agentziak

Kalifikazio-agentziak edo rating-agentziak erakunde ekonomiko batek izan herrialde bateko gobernua izan enpresa, jaulkitzen duen zorraren arriskuaren balorazioa egiten duten enpresa espezializatuak dira. Arrisku horren ebaluazioa erakundearen informazio historikoan zein horren bilakaeraren igurikimenetan oinarriturik egiten da. Kalifikazioa letretan oinarrituriko eskala baten bitartez egiten da, AAA izanik balorazio aldekoena (arrisku txikienekoa) eta D okerrena (arrisku handienekoa). Kalifikazio-agentzia ezagunenak Standard & Poors eta Moody's dira.