Karikatura (irrimarra)

François Lehideux-en karikatura, L'Humanité egunkaria, 1944

Karikatura edo irrimarra pertsona baten edo batzuen irudia desitxuratu den marrazkia da, haren hazpegiak esajeratuz edo jarrera komiko batean irudikatuz, trufa egin eta irria eragiteko asmoarekin. Artelan satirikoa da, beraz. Antzinatik ezagutzen da, Ponpeia eta Herkulanoko hormetan karikatura gisako freskoak aurkitu direnez. Baina XVIII. mendetik aurrera bereziki garatu den generoa izan da, politikarietaz irri egiteko bereziki,  aldizkari eta komikietan gehienbat.