Koalizioa

Koalizioa subjektu bi edo gehiagoren arteko akordioa da, aldi baterako adostua, eta aurkariei nagusitasuna kendu nahian eratua, helburu jakin batzuk (politikoak, ekonomikoak, ...) lortzen aldera. Terminoa bereziki politikan erabiltzen da alderdi politikoen arteko akordioak izendatzeko, baina baita joko-teorian ere, joko kooperatiboen testuinguruan, jokalarien arteko akordio edo adostasun estrategikoak izendatzeko, etekinak maximotzen aldera.