Kontingentzia-plana

Kontingentzia-plana erakunde batean ezusteko egoera batean sor daitezkeen arazo, oztopo eta larrialdiak aurreikusi eta horietarako jardun-protokoloak (arazo horiek aurreikusi, saihestu eta ebatzi egiten dituzten jarduera konkretuen multzoak alegia) zehazten dituen plana da, beharrezko baliabide materialak eta giza baliabideak ezarriz. Adibide gisa, kontingentzia-planak stock-hausturak, langilegoaren gaixotasunak, finantzazio-arazoak eta abar aurreikusteko erabil daitezke.

Kontingentzia-planak hiru atal barnehartu behar ditu:

  • prebentzio-neurriak, ezusteko egoera horiek gauzatu ez daitezen;
  • arazoek ekar ditzaketen kalteak arintzeko-neurriak;
  • egoera normalera itzultzeko neurriak.

Beste hizkuntzetan: ingelesez, contingency plan, backup plan; gaztelaniaz, plan de contingencia.