Kritika (Kant)

Kant-en filosofian, kritikak filosofia egiteko metodoak, printzipioak eta irizpideak biltzen ditu, zorroztasunez landutakoak eta beraz ahalbidetzen dutenak filosofia okerrei kritika (adiera arruntean) egitea. Termino hori da hain zuzen Kantek erabiltzen duena bere hiru lan nagusiak izendatzeko: Arrazoimen hutsaren kritika, non ezagut daitekeena eta ezin daitekeena lantzen duen, arrazoimenaren alde eta metafisika mugatuz (haren kritika eginez); Arrazoimen praktikoaren kritika, ongia eta gaizkia nola bereizi lantzen duena, eta Judizioaren kritika, estetikari buruzkoa, ederra dena eta ez dena bereizte aldera.