Lagin binakatuak

Bi lagin binakatuak edo binatuak direla esaten da bi une desberdinetan edo bi aldagai desberdinei buruz laginketa-unitate berdinen gainean jaso direnean, eta ondorioz bien artean  dependentzia edo erlazio estatistikoa dagoenean. Adibidez, gaixo batzuengan kolesterol edukia jaso bada, botika bat eman aurretik eta ondoren, bi laginak loturik egongo dira, orokorrean gaixo guztien kolesterol edukia jaitsi arren, aurretik kolesterol handia zuen gaixoak beste gaixoen aldean, orain ere kolesterol handia izango duelako. Lagin independenteentzat zein binakatuentzat metodo estatistikoak bereziak daude.

Beste hizkuntzetan: ingelesez, paired samples; gaztelaniaz, muestras pareadas o apareadas.