Estatistikan, lagin estatistikoa populazio bateko kasu edo banakoen azpimultzo bat da, horretan oinarrituta populazio osoari buruzko propietateak eta ezaugarriak, parametroak bereziki, inferitu edo ondorioztatzeko erabiltzen dena. Horretarako, laginak behar bezala erauzi behar dira populaziotik, hau da, horren elementuak modu egokian aukeratuak izan behar dira, zoriz orokorrean, lagina populazioaren islada izan dadin. Lagina erauzi eta aztertzearen abantaila nagusia kostu murritza da, populazio osoaren azterketaren kostuaren aldean. Lagin batetik eskuratutako emaitzak populazio osora zabaltzean sortzen den errorea lagin-errorea da.
Beste hizkuntzetan: ingelesez, sample; gazteleraz muestra; frantsesez échantillon.
Loturiko artikuluak
Lagin-erroreaEstatistikan, lagin-errorea edo laginketa-errorea aztertutako datuek lagin bat osatu eta beraz populazio osoa ez biltzeagatik, emaitza estatistikoak populazio osora zabaltzean sortzen den errorea da. Hertsikiago, estatistiko edo estimatzailearen eta…
Estatistika deskribatzaileaEstatistika deskribatzailea lagin bateko informazioa laburbiltzen duten grafikoak (histograma, sektore-diagramak) eta neurri estatistikoak (batezbestekoa, desbideratze estandarra, ...) aurkeztu egiten dituen estatistikaren adarra da, lagin horretako emaitzak populaziora zabaldu…
EstatistikoakEstatistikan, estatistikoak lagin bateko ezaugarriak jasotzen dituzten neurriak dira, datu multzoen ezaugarriei buruz zerbait jakiteko erabiltzen direnak, hala nola zentralizazio edo erdiguneari buruz (erdigunerako neurriak), beste kokapenei buruz,…