Liburutegia (definizioa)

Liburutegia edo biblioteka munduko ezagutza jasotzen duten lan inprimatu eta grabatuen  bilketa, kontserbazioa eta zabalkuntza helburu dituen informazio sistema da. Etimologikoki eta tradizionalki, liburutegia liburu bilduma gisa ulertu da. Egun ordea, bestelako informazio euskarrien garapena eta informazio eta komunikazio teknologia berriak direla eta, liburutegiak bere esparrua zabaldu egin du: liburuak ez ezik, filmak, musika grabazioak eta datu eta fitxategi digitalak jaso, ordenatu eta zabaltzen ditu; beste alde batetik, materialak fisikoki bildu eta kontserbatu eta erabiltzaileentzat horiek kontsultatu eta mailegatzeko toki egokiaz gainera gainera, gero eta garrantzi handiagoa du material horiek modu egokian digitalki zabaltzea.