Makroingurunea eta mikroingurunea

Marketinean, makroingurunea eta mikroingurunea  enpresak bezeroekiko izango dituen harremanetan eragina izango duten kanpoko (inguruneko) faktoreak dira. Enpresak makroingurunera eta mikroingurunera moldatu beharko du bere marketin estrategia, bezeroekin harreman arrakastatsuak izate aldera. Makroingurunean enpresari, eta orokorrean negozio guztiei, eragiten dioten faktoreak biltzen dira, hala nola demografia, koinutura eta egitura ekonomikoa, marko politikoa, kultura eta teknologia. Mikroingurunea berriz, enpresari bereziki eragiten dioten faktoreek osatzen dute, hala nola lehiakideak, hornitzaileak, bitartekariak eta enpresaren marko legala eta berarekin harremanetan izango diren administrazio publikoak.

Beste hizkuntzetan: ingelesez, macro-environment and micro-environment; gaztelaniaz, macroentorno y microentorno.