Manifestu Komunista

Manifestu Komunista edo Agiri Komunista, izen osoz Alderdi Komunistaren Manifestu Komunista, 1848 urtean plazaratutako agiri eta entsegua da, Karl Marxek idatzitakoa (Friedrich Engels-en idazki batzuk ere hartuz), Komunisten Liga izeneko elkartearen eskariaz. Marxismoaren eta komunismoaren filosofia politikoaren testu aitzindari eta oinarrizkotzat hartzen da. Historiaren kontzepzio materialista aitortuz, klase borrokaren existentzia eta beharra aldarrikatzen du, komunismoa eta horien aldarrikapenak mugimendu historiko ezinbestekotzat hartzen du, eta ordurarteko sozialismo utopikoa gaitzesten du, sozialismo burgestzat hartuz.