Mekanizismoa

Mekanizismoa edo filosofia mekanizista errealitatea mekanismo edo  kausa-efektu erlazio finkoen bitartez diharduten sistema egonkor eta erregularren bitartez irudikatzen duen korronte epistemologikoa da. Ikuspegi mekanizistek deterministak dira beraz, eta zoria ukatzen dute. Horren sustraiak Antzinako Grezian daude, Leuzipok bere atomismoa garatu zuelarik, baina bereziki XVII. mendetik garatutuako ikuspegi zientifikoa da. Mekanizismoari erredukzionismo mota bat dela kritikatu zaio, sistema, batasun edo organismo batek propietate emergenteak dituela, haren osagai eta ataletatik kausalitatearen bitartez ondorioztatu ezin daitezkeenak, baieztatuz.