Ondarearen digitalizazioa: artxibategiak, museoak eta liburutegiak

Ondarearen digitalizazioa euskarri fisiko edo material batez jasotako ondare kulturala, artxibategi, museo, liburutegi, aztarnategi eta aire librean dagoena, euskarri digital batean (konputagailuz hartzeko moduan) jaso eta biltzea da. Enpresako digitalizazioan ez bezala, non digitalizazioaren helburua informazioa modu efiziente batean gordetzea den, kostuak murriztuz, ondare kulturalaren digitalizazioaren kasuan beste helburu batzuk gainjartzen dira: alde batetik, ondare hori publiko orokorrera ahalik eta publiko zabalenera hedatzea da, horretarako teknologia digital eta aurkezpen formato desberdinak erabili beharko dira, publikoak eskura dituen gailu eta trebezia digitalak kontuan hartuz; bestetik, preserbazioa , ondare kulturalaren materialtasunak denbora zehar izan dezakeen higadura eta hondamena saihesteko, eta horretarako digitalizazio tresna fidagarrienak baliatu beharko dira. Beraz, bi helburu horiek kontuan harturik, digitalizazioaz baino, digitalizazioez aritu behar da, pluralean, anitz baitira, helburu desberdinekin, digitalizatzeko moduak.