Ordainbideak

Ordainbideak edo ordainketa-bitartekoak transakzio ekonomikoak (ordainketa bat egitea, donazioak, ekarpenak, ...) egiteko erabiltzen diren tresnak dira, orokorrean onartua eta edozein leku eta unetan erabil daitezkeenak. Ordainbide arruntena egunerokoan fiat izeneko diru fisikoa izan da, eskudirua alegia, estatuek jaulkitzen dutena alegia (estatubatuar dolarrak, euroak, librak, ...) txanpon eta billete moduan, baina badira beste hainbat bitarteko, hala nola txekeak, kreditu-txartelak, zordunketa-txartelak, transferentziak eta abar. XXI. mendetik ordainbide elektronikoak ugaldu dira, esaterako txartelen bitartez.

Ordainbideak trukebideak izaten dira, eroslearen eta saltzailearen arteko transakzioak bideratzeko tresnak alegia. Egun ordainbideak eta trukebideak orokorrean bat etorri eta, beraz, praktikan sinonimoak izan arren, garai batean ez zen horrela izaten: Erdi Aroko azoketan adibidez, salerosketak bale batzuen bitartez likidatzen dziuzten, aurrez bale horiek euren salgaien balioaren arabera eskuratuz, azoketara urrea eta zilarra ez eramateko; horrela, azoka horietan baleak trukebideak ziren, baina ordainbideak urrea eta zilarra ziren. Egun, euskoa trukebide eta ordainbideen arteko diferentziaren beste adibide bat da: euskoa trukebidea da, baina ez ordainbidea, ordainbidea finean euroa baita.

Beste hizkuntzetan: ingelesez, payment instrument; gaztelaniaz, medio de pago.