Pribilegioak

Pribilegioak (latinezko privus eta legalis hitzetatik, "lege pribatua") gizabanako edo klase sozial batzuek beste batzuen aldean dituzten abantaila instituzionalizatuak dira. Kontzeptu historiko, politiko nahiz soziologikoa da, baina kasu guztietan boterearekin loturik, boterea baita finean pribilegioak ezarri eta aplikatzen dituena. Historikoki, pribilegioek feudalismoko eta Antzinako Erregimeneko estamentuak definitu dituzte, pribilegiodun klase sozialak garai historiko guztietan izan badira ere. Politikoki, pribilegioak sortzen dira erregimen politikoek eta gobernuek elite eta klase politiko eta ekonomiko batzuen mesedetan dihardutenean. Soziologikoki, pribilegioak sortzen dira diskriminazioa dagoenean, talde eta klase batzuek beste batzuek dituzten eskubide, abantaila eta onurak dituztenean.

Beste hizkuntzetan: ingelesez, privileges; gaztelaniaz, privilegios.