Prometeo eta prometeikoa

Prometeo (etimologiaz, "harantzago ikusten duena") greziar mitologiako titana izan zen, Zeus jainkoari sua lapurtu ziona, gizakiek erabil zezaten. Zigor moduan, Zeusek arkaitz batera lotu eta han egunero arrano batek gibelaren zati bat jaten zion Prometeori, baina gibela osatu egiten zenberriz, bere sufrimendua betikotuz horrela.

Hartara, Prometeoaren mitoa gizakiaren ongilearen alegoria moduan erabiltzen da, eta Prometeo bera aurrerabidearen pertsonifikazioa. Halaber, suak gizartean ekarri duen aurrerabidea balioetsiz, zientzian eta teknologian sortzaile eta berritzaile guztiari prometeikoa dela esaten da.