Publizitatea (definizioa)

Publizitatea enpresa edo beste erakunde batek bere produktuak eta zerbitzuak, erakundea bera edo bestelako ideia bat sustatu eta zabaltzeko burutzen duen komunikazio-teknika eta prozesua da, orokorrean inpertsonala eta masa hedabideak erabiliz (prentsa edo bestelako euskarri idatziak, telebista, kaleko iragarkiak, ...) burutzen dena. Hedaduraz, publizitatea prozesu horren azken emaitza da, orokorrean iragarkiak alegia. Publizitatea marketinaren atala da eta beraz bere helburua kontsumitzailearengan produktu edo zerbitzu baten kontsumoa eragin, haren beharrak asebetzeko, edo hiritarrarengan ideia bat bereganatzea da, haien ezaugarri (materialak nahiz ukinezinak), prezio eta salmentari buruzko informazioa, objektiboa nahiz subjektiboa, orokorra nahiz selektiboa, zabalduz. Ikuspuntu kritiko batetik, publizitatea egungo kontsumo-gizartearen oinarrietako bat da askotan (ikus, kontsumismoa), pertsonak eta familiak kontsumitzera bultzatzen duena.

Ikus, gainera