Saiakera egile batek politika, arte, literatura, ekonomia edo beste arlo bateko gai edo auzi baten aurkezpena egin eta bere iritzia eta gogoetak emateko osatzen duen idazlana da, prosa erabiliz baina era pertsonal eta berezian, estilo sistematiko bati (estilo entziklopediko edo kazetaritzakoari) jarraitu gabe. Gehienetan ez ditu auziari buruzko konklusio finko eta sendoa ematen, eta horretan datza hain zuzen bere balio literarioa, bere baitan ez baita itxia, eta horrela irakurleari interpretaziorako eta eztabaidarako aukerak ematen dizkio.
Eleberrian ager daitezke saiakera tarte laburrak, gogoetak azaltzen direnean gai baten inguruan. Kazetaritzako artikuluekin ere lotura izan dezake, artikuluak askoz ere laburragoak izaten diren arren.