Sare sozialak (definizioa)

Sare sozialak Internet sarean oinarritutako guneak dira, banakoei zein erakundeei euren profil pertsonala eratu, edukia osatu, eta profila eta igotako edukia beste erabiltzaile batzuekin partekatu eta iruzkintzeko aukera ematen dutenak. Sare sozial horietan elkarrekin loturiko erabiltzaileek osatzen duten taldeari ere sare soziala deitzen zaio. Sare sozialak esanahi bikoitza du, beraz: pertsonak harremanetan jartzeko webgunea eta webgunearen bitartez elkarrekin loturiko pertsona eta erakundeen multzoa.

Pertsona ezagunekin harremanetan jartzeaz gainera, adiskide berriak egiteko erraztasun handia dago sare sozialetan, "ezagunen ezagunak" eta "lagunen lagunak", pertsona bakoitzaren adiskide taldea alegia, bere adiskide guztien bistara geratzen direlako gehienetan, ezezagunak diren pertsonen arteko harremanak zabalduz, muga jakinik gabe. Profilaren ikusgarritasuna, ordea, aldakorra sare sozial batetik bestera: guztiz publikoa izan daiteke, edo erabiltzailearen sare sozialeko kideentzat soilik eskuragarria.

1997 urtean sortu zen lehen sare soziala, SixDegrees.com izenekoa, profilak egin, lagun zerrendak osatu eta beranduago lagun zerrendetan zehar nabigatzeko aukera meaten zuena.1

Erreferentziak

1.
Social Network Sites: Definition, History, and Scholarship. Journal of Computer-mediated Communication. https://onlinelibrary.wiley.com/doi/full/10.1111/j.1083-6101.2007.00393.x. Accessed 2018.