Soziolinguistika (definizioa)

Soziolinguistika edo soziohizkuntzalaritza hizkuntzaren eta gizartearen arteko harremanak aztertzen dituen disziplina arteko jakintza-arloa da, soziologia eta hizkuntzalaritza oinarritzat dituena. Makrolinguistika deritzon hizkuntzalaritzaren atal zabalaren baitan biltzen da, hizkuntzaren ikaskuntza, kultura eta soziologia biltzen dituena, eta psikolinguistika, hizkuntzaren antropologia, pragmatika, diskurtsoaren analisia eta soziolinguistika bera biltzen dituena.

Beste ikuspegi baten arabera, soziolinguistika hizkuntzaren aldakortasuna aztertzen duen arloa da, ardatz sozialean (horren baitan, ardatz diastratiko eta diafasiko edo estilistikoa bereiziz), denborazko ardatz edo diakronikoan eta ardatz geografiko edo diatopikoan zehar.

Bi paradigma jarraitu daitezke soziolinguistika ikertzean. Alde batetik, paradigma formalista dugu, hizkuntza fonema, hitz eta esaldietatik aztertzen duena, modu analitiko batean, eta paradigma funtzionalista, hizkuntza giza harremanetarako tresna moduan aztertzen duena, osotasunean harturik (William Labov hizkuntzalaritza ospetsuak soziolinguistika hitza erredundante edo errepikakorra dela adierazi zuen paradigma horretatik). Aditu gehienek soziolinguistika garatzean bi paradigmek bat egin behar dutela aldezten dute: hizkuntza komunikaziorako tresna sozial eta integratu moduan hartuz, baino bere alderdi formal eta analitikoak baztertu gabe.

Ikus, gainera

Erreferentziak