Teknoegitura

Teknoegitura edo teknoestruktura enpresa eta erakundeetako atal jakin bat izendatzeko erabiltzen den terminoa da, horren esanahiak aditu batetik bestera aldatzen badira ere. Terminoa John Kenneth Galbraith sortu zuen 1967 urtean The New Industrial State (1967) lanean. Harentzat, teknoegitura enpresam erabakiak kolektinoki hartzeko ezagutza berezitua, esperientzia eta trebezia dakartzaten eragile guztien multzoa da; beraz kudeatzaileak, analistak eta erabaki-prozesuan parte hartzen duten guztiak lirateke. Teknokraziarekin parekatu izan den kontzeptua da, baina teknoegitura teknikoek enpresaren antolaketan duten funtzioa eta jarduna aztertzen dituen bitartean, teknokrazia aipatzen denean, tekniko horiek erakundean duten botereari egiten dio erreferentzia, eta demokraziarekin kontrajartzen da. Henry Mintzberg-en arabera, berriz, teknoestruktura atal zabalagoa da, eta erabaki hartzeaz gainera, normalizazioan, kontrolean eta koordinazioan diharduten pertsonak ere barnehartzen ditu, eta beraz enpresako atal guztiak zuzenean eragiten ditu.