Turistifikazioa

Turistifikazioa herri, hiri edo eskualde bateko azpiegiturak eta zerbitzuak bertako jendearen beharretara egokitu baino turisten desirak asetzera bideratzen direnean gertatzen den egoera da. Horrekin batera, etxebizitza eta oinarrizko beste zerbitzuen prezio igoera nabarmen batekin loturik agertzen da. XX. mendearen bukaeratik polo turistiko global bilakatu diren eremuetan gertatzen da bereziki, turismoaren globalizazioaren eta masifikazioaren ondorioz. Epe luzera bertako jendea aldi baterako turista populazio batekin ordeztea dakar, eta ondorioz komunitatea ez-komunitate baten oldearen eraginez desegitea eta jatorrizko identitate soziala galtzea.