Tutoretza eta orientabidea

Hezkuntzan, tutoretza eta orientabidea ikaslearen ikaskuntza prozesuan lagundu eta bere garapen pertsonal eta profesionala bideratzeko burutzen den ekintza planifikatu eta iraunkorra da, ikasle bakoitzarekin banaka garatzen dena, tutore baten edo batzuen eskutik. Hala ere, tutoretzan beste hezkuntza-eragile ere hartu behar dute parte: ikaslea eta tutoreak ezezik, gurasoak, ikaslearekin harremanetan dauden irakasleak eta ikastegia bera. Eragile horiek guztiek aurrez ezarritako tutoretza-plan bati jarraiki jokatu behar dute, tutoretza ekintza inprobisatua ez, sistematikoa baizik izan dadin.

Beste hizkuntzetan: ingelesez, mentoring and guidance;  gaztelaniaz, tutoría y orientación.