Zenobioa, zenobitak, zenobitismoa

Biologian, zenobio terminoak duen adierari buruz jakiteko, ikus Bioscio webgunean: Zenobioa

Kristau tradizio monastikoan, bi bizimodu mota bereizten dira: eremitismoa, non erlijiosoak, eremitak alegia, bakarrik bizi diren, eta zenobitismoa, non monjeak eta mojak, zenobitak alegia, elkarrekin bizi diren, monastegi batean, zenobio ere deitzen dena (latinezko cenobium hitzetik, antzinako grezierazko koinos, "elkarrekikoa" eta bios, "bizitza" hitzetatik). Zenobitismoaren aita edo aitzindaritzat hartzen da Pakomio santua, IV. mendean. Erdi Arora arte itxaron behar da ordea zenobitismoa nagusitu arte, ordena erlijiosoen bitartez.